CLICK HERE FOR THOUSANDS OF FREE BLOGGER TEMPLATES »

Tuesday 29 July 2008

لسة رئيس


وانا صغير درست تاريخ

قريت حضارات على حضارات

مشفتش زى حضارتنا

صحيت من حلم كان مكتوب

على واقع اليم ورهيب

بتنداس فيها كرامتنا


وانا صغير حلمت ببلدى تتغير


فضلت احلم ببلدى تعيش

لاقيت الحلم لقمة عيش

وانا صغير

وهو رئيس


ولما كبرت فى الجامعة


لاقيته لسة برضه رئيس


وقلت ازاى هتتغير

ولسة فى البلد تكويس


وانا فى الجامعة شفت كتير


مظاهرات طالبت التغيير



ومرشد وسط شلتنا


بينقل حتى ضحكتنا


وشكينا فى بعضينا


ياترى مين مرشد فينا


وعشت ايام على ايام


ولسة الحلم جوايا


يارب مصر تتغير


ولما طلعت م الجامعة


لاقيته برضه لسة رئيس

وقلت ازاى هتتغير

ولسة فى البلد تكويس


سمعت بنبرة التغيير


فى حزب عاش سنين عمره

بيكسب بس بالتزوير


وقلنا خلاص فى حرية


ويطلعلنا حزب جديد


بيحمل اسم مستقبل


ورافع راية التنديد


وقسمو الحزب ده نصين


رئيسه راح فى غمضة عين


انا مولود وهو رئيس

..........

انا بيتى وغيرته

وووالدى لقبره وصلته

ولسة رئيس



Monday 30 June 2008

فى مصلحتك


ياللى جاى تدينا صوتك


اطمن اكيد




بكرة هتعرف قيمة صوتك


لما الخير هيزيد




الحزب الوطنى فى مصلحتك


والمستقبل ليك




كل شباب مصر هيتشلو


وبكرة تشوف بعنيك




صوت صرخ الطم برضه


هنبيع اراضيك






الحزب الوطنى مسهلك


فرصك فى الاسكان




نص مليون مدفن


وانت


هتلاقى اكيد مكان




الف مليون واحد عربى


هيجو يصلو عليك






الحزب الوطنى حرية


من هموم الدنيا الوحشة


وانت الكسبان




Thursday 5 June 2008

بالتكويس


اوعى تكون فاكر ان شهادتك هتوصلك للمأمول

لا ياحبيبى بواكى كتيرة وكام عربية وكام محمول


بالتكويس تكبر كوسها
بالتكويس ظبط هندسها
بالتكويس قلع لبسها
بالتكويس مانت اللى ريسها

بالتكويس


وبالتكويس يابلدنا ياحلوة بالتكويس


بالتكويس جيمى يبقى رئيس
بالتكويس يفرح ويهيص


وبالتوريث يابلدنا ياحلوة بالتوريث

بالتكويس احمد فاز فى الانتخابات
بالتكويس ايمن عدى الترم وفات
بالتكويس قاسم سافر ع الامارات
بالتكويس خالد عنده اربع فيلات
بالتكويس مازن تاجر فى العقارات

بالتكويس يابلدنا ياحلوة بالتكويس


سالم فى الجامعة بيهيس
اصل نجاحه مكانش كويس
كان بالواسطة وبالتكويس
بقى دكتور وهيصبح ريس
بالتكويس



بالتكويس عادل بيغنى
بالتكويس واكيد ده حازنى
ايوة حازنى برضه حازنى


عاصم فى المكتب بيدير
بالكوسة اساسى بقى مدير

سنة واتنين وتلاتة وعشرة
عاصم قاعد فى البطيخ
باع اموال الدولة بحالها
ماهو معذور مش فاهم حاجة
جه بالواسطة وبالتكويس


وبالتكويس يابلدنا ياحرة بالتكويس



بالتكويس تكبر كوسها
بالتكويس ظبط هندسها
بالتكويس قلع لبسها
بالتكويس مانت اللى ريسها
بالتكويس


Friday 30 May 2008

العيشة واللى عايشنها



ولعها وغلاها علينا
خلانا نسرق بعضينا
عيشنا
ده موت اهالينا
خلانا نسب لبعضينا


خلانا نجوع فى عيالنا
خلانا نبيع كل اموالنا
سوحنا بجد ومرجحنا
خلانا نعيش مليون محنة
خلانا عايشين فى بطالة
ولا فيه ايد مننا شغالة



**********
انا شـايـف واحـد بينـادى
بيقول مش لاقى رغيف عادى
انا عندى بنات زى السكر
مش عارف ولا واحدة استر
اطمن عليهم وارحـــل
انا شايف طفل فى مدرسته
وبيجرى وماسك كراسته
بيقول انا نفسى افطر نفسى
انا شايف
مبقتش اشوف
انا ميت ميت من الخوف
مبقتش احسب اى ظروف
انا سامع واطرش فى الزفة


**********
يازعيمنا
والله ما فارق
يبقى قانون الدولة طوارىء
الشعب اساسا متضايق


********


ولعها وغلاها علينا
خلانا نسرق بعضينا
عيشنا ده موت اهالينا
خلانا نسب لبعضينا


*******
سوحنا بجد ومرجحنا
وكتملنا صوتنا احنا فرحنا
و
كفاية سكات احنا قاسينا
ليه بس بيعمل كدة فينا
ليه بس الذل لاولادنا
ليه بس نعيش جوة بلادنا
ولا لاقيين حاجة تغطينا



*********
يا بلادى بحبك من جوة
ليه بس بترضى انى اتسوى
ولا عاجبك همى ولا صريخى
ولاعاجبك حتى فى تلبيخى
من فضلك ادينى مجال
سيبينى اقول اللى فى قلبى
من طبعى مبعرفش اخبى
*********
ولعها وغلاها علينا
خلانا نسرق بعضينا
عيشنا ده موت اهالينا
موت كل الخير جوانا
خلانا نعيش عيشة جبانة
وامانة بجد ده سوانا
عاش هو
وفى الفقر رمانا

*********
انا مصرى
و
بحبك مووووووووووت
وعشانك اموت واموت
فسامحينى انا تعبـان
بجد يابلدى انا خلصان
اسيرك نفسى ادوق خيرك
وبلدى ونفسى اموت فيكى
بس احنا بقينا عايشين
ومش عايشــين
ضــحايــا
يا فى السجون معتقلين

Wednesday 30 April 2008

لا تسلبى حريتى


لاتسلبى حريتى

فكى القيود حبيبتى
سجنت فى سجن الهوى

لكننى لست اعلم تهمتى

اوقفى التنفيذ عنى

واتركينى لدنيتى
احببتك لا انكر

والحب هوعقوبتى





ماذا اقول امام قاضى المحكمة؟

كيف ادافع عن قضية مبهمة؟

لا تهمة فيها ولكن عقوبة ملزمة



ساد الظلام حبيبتى

وانا شريد وحدتى

اشعر بظلم حبكى

فتسيل منى دمعتى



اميرتى
ماكان حبك رغبتى

حبك اضاع كرامتى

حبك اساء لسمعتى
عصفورتى
شوق اليكى اجتاحنى

كان دليل براءتى
انى احبك

هذا ذنبى
انى احبك

فتلك جريمتى
مصرى اعيش على ترابك

مصرى ويؤلمنى عذابك
مصرى احبك


ماذا اقول امام قاضى المحكمة؟

كيف ادافع عن قضية مبهمة؟

لاتهمة فيها ولكن عقوبة ملزمة

Tuesday 8 April 2008

فى مصر تعلم




فى مصر تعلم


كيف تزور الانتخابات




فى مصر تعلم


كيف يطلى الاستبداد


بطلاء الازمات




فى مصر تعلم


كيف تخدر شعبا


كيف تغيب شعبا


بأقل الكلمات




فى مصر تعلم


كيف تصنع الاشاعات




وتعلم


كيف ترود شعبا


تؤلمه الجراحات




فى مصر تعلم وتعلم


فى مصر تكلم وتكلم


تتكلم سوف تتألم




فى المعتقلات


Saturday 15 March 2008

الفكر الجديد


فى العصر الحالى
وبنخطط للعصر الجاى
والفكر جديد
والقوة حديد

والعزم شديد


فى العصر الحالى

وبنخطط للعصر الجاى
متقلش ازاى

لكن بنخطط علشان الشعب الغلبان


يفضل غلبان



فى العصر الحالى
وبنخطط للعصر الجاى
العيش ببطاقة تموين
ومقابل نقدى بملاليم
صوتى واحزنى ياام حسين
دى عيشة ولا فى الاحلام



فى العصر الحالى
وبنخطط للعصر الجاى
القاضى يلبس فستان
والمحكمة تبقى بستان
وهنلغى عقوبة الاعدام
والقاتل فى السجن ينام
يتغدى ويتعشى حمام
وهنحمى حقوق الانسان


فى العصر الحالى

وبنخطط للعصر الجاى
متقلش ازاى

لكن بنخطط علشان الشعب الغلبان
يفضل غلبان


فى العصر الحالى

وبنخطط للعصر الجاى
المرأة رئيس
وفى حالة وضع
مقدرش يسافر

يحضر فى باريس
مؤتمر العالم


فى العصر الحالى

وبنخطط للعصر الجاى
احمد ومنى فى مكتب واحد
واحمد زنان

عايز يرضع
علشان تعبان
يرضع وينام



فى العصر الحالى

وبنخطط للعصر الجاى
ده الحزب الوطنى فى مصلحتك
والفكر جديد
والعزم شديد
والقوة حديد



فى العصر الحالى

وبنخطط للعصر الجاى
نعمل تطبيع
ونصدر غاز
الشعب يضيع
يولع بالجاز
ماهو اصل خلاص

صوتى ياولية
كتمو الحرية
دول
فضو بكارة مصر بحالها
ومنعو الترقيع
عملو التطبيع



صوتى ياولية
مبقاش حرية
ده الفكر جديد
والقوة حديد

ووووووووووووووووووو
العزم شديد