ولعها وغلاها علينا
خلانا نسرق بعضينا
عيشنا
ده موت اهالينا
خلانا نسب لبعضينا
خلانا نجوع فى عيالنا
خلانا نبيع كل اموالنا
سوحنا بجد ومرجحنا
خلانا نعيش مليون محنة
خلانا عايشين فى بطالة
ولا فيه ايد مننا شغالة
**********
انا شـايـف واحـد بينـادى
بيقول مش لاقى رغيف عادى
انا عندى بنات زى السكر
مش عارف ولا واحدة استر
اطمن عليهم وارحـــل
انا شايف طفل فى مدرسته
وبيجرى وماسك كراسته
بيقول انا نفسى افطر نفسى
انا شايف
مبقتش اشوف
انا ميت ميت من الخوف
مبقتش احسب اى ظروف
انا سامع واطرش فى الزفة
انا شـايـف واحـد بينـادى
بيقول مش لاقى رغيف عادى
انا عندى بنات زى السكر
مش عارف ولا واحدة استر
اطمن عليهم وارحـــل
انا شايف طفل فى مدرسته
وبيجرى وماسك كراسته
بيقول انا نفسى افطر نفسى
انا شايف
مبقتش اشوف
انا ميت ميت من الخوف
مبقتش احسب اى ظروف
انا سامع واطرش فى الزفة
**********
يازعيمنا
والله ما فارق
يبقى قانون الدولة طوارىء
الشعب اساسا متضايق
********
ولعها وغلاها علينا
خلانا نسرق بعضينا
عيشنا ده موت اهالينا
خلانا نسب لبعضينا
*******
سوحنا بجد ومرجحنا
وكتملنا صوتنا احنا فرحنا
و
كفاية سكات احنا قاسينا
ليه بس بيعمل كدة فينا
ليه بس الذل لاولادنا
ليه بس نعيش جوة بلادنا
ولا لاقيين حاجة تغطينا
*********
يا بلادى بحبك من جوة
ليه بس بترضى انى اتسوى
ولا عاجبك همى ولا صريخى
ولاعاجبك حتى فى تلبيخى
من فضلك ادينى مجال
سيبينى اقول اللى فى قلبى
من طبعى مبعرفش اخبى
*********
ولعها وغلاها علينا
خلانا نسرق بعضينا
عيشنا ده موت اهالينا
موت كل الخير جوانا
خلانا نعيش عيشة جبانة
وامانة بجد ده سوانا
عاش هو
وفى الفقر رمانا
*********
انا مصرى
و
بحبك مووووووووووت
وعشانك اموت واموت
فسامحينى انا تعبـان
بجد يابلدى انا خلصان
اسيرك نفسى ادوق خيرك
وبلدى ونفسى اموت فيكى
بس احنا بقينا عايشين
ومش عايشــين
ضــحايــا
يا فى السجون معتقلين
يا بلادى بحبك من جوة
ليه بس بترضى انى اتسوى
ولا عاجبك همى ولا صريخى
ولاعاجبك حتى فى تلبيخى
من فضلك ادينى مجال
سيبينى اقول اللى فى قلبى
من طبعى مبعرفش اخبى
*********
ولعها وغلاها علينا
خلانا نسرق بعضينا
عيشنا ده موت اهالينا
موت كل الخير جوانا
خلانا نعيش عيشة جبانة
وامانة بجد ده سوانا
عاش هو
وفى الفقر رمانا
*********
انا مصرى
و
بحبك مووووووووووت
وعشانك اموت واموت
فسامحينى انا تعبـان
بجد يابلدى انا خلصان
اسيرك نفسى ادوق خيرك
وبلدى ونفسى اموت فيكى
بس احنا بقينا عايشين
ومش عايشــين
ضــحايــا
يا فى السجون معتقلين
42 comments:
اول تعليق
والله يا واد يا مدحت ... الرئيس بتاعنا ده راجل نصاب , يعني أدى الناس العلاوة ... وراح مغلي البنزين ... بعدها قال شيلنا الطوارئ وهنعوضكم بالإرهاب ... وأديه لا شال طوارئ وفضل الأرهاب بتاعه فوق دماغ أهالينا
حلوة يا مدحت
حقيقى جميلة ومدونتك رائعة وعايز اقولك يا رب كل الناس توصلها الكلام دا
مش عارفه اقولك ايه يامدحت
للاسف الوضع بيسوء بس كل ليل وله اخر
ربنا يقوى شعبنا ويغير حالنا لما نتمناه يارب
تسلم ايدك وخد بالك من نفسك
خالص تقديرى واحترامى
وجعتنا قوي يامدحت
هي بقت عيشة؟
ربنا يلطف بينا
حلوة كلماتك معبرة مؤلمة
تحياتى
تصفيييييييييييييييييق حاد
انا بجد حسيت كل كلمة انت قلتها
وبالذلت دى انا عندى بنات زى السكر
وعجبى عليكى يابلد كلنا بقينا عايشين فى تابوت مش عارفين نطلع منة ولا بالنبوت
ورجعنا لعصر التوابيت لكن توابيت لازم تكموت
تحياتى لك دمت مبدع
جامدددددددددددددددددددددة
حلوه قوي يامدحت
بس اتدارى اليومين دول
عشان عاوزين ك تاني
وانا هجيب عيش وحلاوه عشان هجتاجه انا وانت نتسلى فيه هنااااااااااااك
جميله قوي بجد
كلماتها صريحه وصادقه ومش مفتعله ولا اكلاشيهات من الي حفظناها
بجد احييك عليها تسلم ايدك
سعدت جدا بتعليقك عندي ومعرفتي بيك
نورتني
سلااااااااااااام
الله عليك يا مدحت جاى بقرقعه بعد غياب
اسلوبك جميل قوى ويا رب متغبش عننا تانى
بوست جميييييل مووووت
احييك
انت مبدع انت رائع
انت حاجة محصلتش كلامك جميل جداً جداً جداً
لا يوصف بالكلمات
بجد كلامك رائع وعجبني جداً
تقبل تحياتي
بسم الله
بجد شئ جمييييييييييييييييل جمال ملوش مثال
دايما مبدع والله
لا تحرمنا بقه من ابدعاتكم الجمييييييييييييله
ومش تنسى تعينى فى وزارة المعارف
تحيااااااااتى
طب هيا بلدنا واحنا منها ايه اللى هيغير ده وهرجع اقولك
المصيبة مش فى ظلم الاشرار ولكن فى صمت الاخيار
ازيك يا عممى الحج عالم اى ؟
مش هقول سلامو عليكم حتى ومش هقرا الموضع كمان لانى زعلان منك بجد
انت بتنفضلى يا معلم
دة مكانش عيش وملح (عيش ونت) بقى كدة يا مدحت تنسى احمد صديقك
دة لو كنت صديقك صحيح
على العموم علشان انا بحبك ومش عاوز اضايقك
ابقى اسئل يا حاج علشان انت وحشنى بجد
احمد زفت no chance
حـلوة بشكل عام يا ميدو بيه ....
بس منتظر منك ماهو أحلى بكثيييير ، لما بس تروق، وتحلى ، وتخلص امتحانات، وتقرا شعر كثييير ، وتخرج بره القوالب الكلاسيكية
تحياتي لتجربتك كلها
وفي انتظـارك
والله انت قلت اللي فيها هما يغلو واحنا نسرق من بعض
اصله الغباء ان احنا بنشطر على بعض بس
المهم على رأيك عيش مصري تموت مذلول
زيزو
يالهوى انت هتودينا فى داهية نصاب ايه ياعم
ده راجل زى الفل
انى احبك يابلادى مرغما
تسلم يارب كلك ذوق جدا
كلمات
حاضر ربنا الحافظ
دونت وورى
وربنا يسمع منك يارب
بنت الاسلام
ربنا يسمع منك يابطة ويلطف بينا يارب
funckydoctor
تسلم يارب نورت المدونة جدااااااااااااا
رئيسة حزب الاحلام المفروض ابروز تعليقك والله
انا سعيد بيه جدا
وقعدت افكر ارد عليكى اقلك ايه ايه
بجد ميرسى اوى ليكى
كيكى
تسلمـــــــــــــــــــــــــى
دمعاتى
مبحبـــــــــــــــش الحلاوة
الشنكوتى الكبير
انا اللى سعدت بمعرفتك جدا
تسلم يارب
بنت مصرية
والله ده بيتوقف على حاجة تستفزنى اكتب عنها
مش بعرف اقول اى كلام والسلام
تحياتى ليكى منورة المدونة دايما
L0vElYGh0sT14
انت اللى باشا والله
وبجد مش لاقلى رد ارد بيه عليك
غير انك بجد تعليقك عندى شرف ليا
رحالة
اساسى اساسى
وزارة المعارف
ياجيلان
المجنى عليها
عندك حق والله انا معاكى فعلا
no chance
والله بفتح الاميل مش بلاقيك فاتح
على العموم انا سبتلك تليفونى الجديد فى اوف لاين
ابقى اسال
ابراهيم
مخلص امتحانات بقالى اربع سنين والله
انا فعلا عايز اغير شوية من اسلوبى
خايف لحسن يكون كله شبه بعضه
او متشابه مع حد تانى
نفسى يكون ليا اسلوبى الخاص
شرفتنى ونورتنى
وائل
للاسف حقا
عش مصرى تموت مذلول
ده واقع مؤلم
تحياتى
ايه يا مدحت مفيش حاجه جديده بوستاتك وحشتنى
لو عايز تضحك نورنى
السلام عليكم ورحمة الله وبركاتة
اسم مدونتك صعب ويجرح
سورى بس دا رأى
بوستك حلو وكلامك جميل
بس دا نتيجة تراكم اخطاء سنوات
ومحتاجة لتفهم وتعاون عشان نقدر نعمل حاجة
كل الاحترام
فى والله
دونت وورىىىىىىىىىى
حاضر انا على النيل دلوقتى
ونازل المركب اسمع اغنية حمادة حنجرة
ههههههههههههههه
نهر الحب عندك حق والله
وانا كمان متفق معاكى
بس للاسف دى حقيقة
السلام عليكم
فعلا عندك حق
والبقية تاتى
اللهم ارزقنا الصبر وقوة التحمل والتعايش مع ماابتليتنا بة
اللهم امين
تحياتى
عفراء
اللهم امين يارب
ربنا يستجب منك يارب
....
اولا اتاسف للتعليق متاخر اوى كدة
ثانيا: كلام جامد وباين انه من القلب لدرجة انى اخجل انى اعلق عليه لان اسلوبك ارقى من اى تعليق
اسراء
اسراء بجد
انا اللى مش عارف ارد عليكى
ربنا يكرمك يارب
Post a Comment