فى العصر الحالى
وبنخطط للعصر الجاى
والفكر جديد
والقوة حديد
والعزم شديد
فى العصر الحالى
وبنخطط للعصر الجاى
متقلش ازاى
لكن بنخطط علشان الشعب الغلبان
يفضل غلبان
فى العصر الحالى
وبنخطط للعصر الجاى
العيش ببطاقة تموين
ومقابل نقدى بملاليم
صوتى واحزنى ياام حسين
دى عيشة ولا فى الاحلام
فى العصر الحالى
وبنخطط للعصر الجاى
القاضى يلبس فستان
والمحكمة تبقى بستان
وهنلغى عقوبة الاعدام
والقاتل فى السجن ينام
يتغدى ويتعشى حمام
وهنحمى حقوق الانسان
فى العصر الحالى
وبنخطط للعصر الجاى
متقلش ازاى
لكن بنخطط علشان الشعب الغلبان
يفضل غلبان
فى العصر الحالى
وبنخطط للعصر الجاى
المرأة رئيس
وفى حالة وضع
مقدرش يسافر
يحضر فى باريس
مؤتمر العالم
فى العصر الحالى
وبنخطط للعصر الجاى
احمد ومنى فى مكتب واحد
واحمد زنان
عايز يرضع
علشان تعبان
يرضع وينام
فى العصر الحالى
وبنخطط للعصر الجاى
ده الحزب الوطنى فى مصلحتك
والفكر جديد
والعزم شديد
والقوة حديد
فى العصر الحالى
وبنخطط للعصر الجاى
نعمل تطبيع
ونصدر غاز
الشعب يضيع
يولع بالجاز
ماهو اصل خلاص
صوتى ياولية
كتمو الحرية
دول
فضو بكارة مصر بحالها
ومنعو الترقيع
عملو التطبيع
صوتى ياولية
مبقاش حرية
ده الفكر جديد
والقوة حديد
ووووووووووووووووووو
العزم شديد
58 comments:
انا اول تعليق
على المدونه الجديده؟
يعنى هقص الشريط
ايه الشرف ده
مبروووووك علي المدونة
وما اجمل التخطيط للعصر الجاي
بنخطط ونخطط
وكمان بنخطط
ونخطط
ونخطط
هنطبق امتي بقي
هنفذ امتي
الله اعلم
جميلة بجد
تحياتي
يالهوووووووووووووووووووووووووووووى
كفايه كده صوتى راح
هو فعلا فكر جديد
جديد بورقته يعنى
مبروك المدونه الجامده اخر حاجه
مبروووووك هنا كمان ياعم
بس دي قديمه يامحمد انا متأكد اني سمعتها قبل كده
تحياتي
مبروك على المدونه
وحلوه حكايه الرئيس اللى هتولد دى
تحياتى لك
وعبقال لما اشوف
الف مدونه من السويس
مبروك على البلوج والكلام هايل بجد
مبروووووك البلوج الجديد
وحلو التخطيط
اعبال التنفيذ
تحياتي
رودي
مبروك على المدونة الجديدة
تتربى في عزك
وكلماتك بجد رائعة
حياك الله
مبرووووووك يا باشا المدونة الجديدة ..
أخوكم إخوانى حتى النخاع
http://ikhwangeeee.blogspot.com
الف مبروك
ورائع جدا وللامام دائما
موفق ياخى دائما
تحياتى وتقبل مرورى
خالد
الرجاء من حضرتك الاتصال بنا وذلك لأننا نحاول جاهدين عمل تجمع لكل مدونين محافظة السويس وذلك للتواصل بشكل مؤثر والاستفادة من تجربة التدوين
ارجو الاتصال
kaney939@gmail.com
kaney939@hotmail.com
kaney9393@yahoo.com
السلام عليكم
دى اول مره ازور فيها مدونتك وان شاء الله مش الأخيره
كلماتك معبره واسلوبك رائع
وبجد جمعت مشاكلنا فى اقل الكلمات
تحياتى
هاعلق تانى التعليق مظهرش ... مبروك يا معلم عالمدونة الجديدة وابقي طمني على المدونة التانية
هاعلق تانى التعليق مظهرش ... مبروك يا معلم عالمدونة الجديدة وابقي طمني على المدونة التانية
رائع رائع
هو دة الفكر الجديد ودى حاله مصر الان
تحياتى
كلامك ملخص و معبر عن حالنا
شكل المدونه رائع من حيث التصميم و المضمون
تحياتي
مبروك البلوج الجديد
بنخطط ونخطط وكل شويه بخطط وكلها فاشله وربنا يستر
يالهوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووي
معلش كفاية صوتي راح
معبرة جدا عن الالم اللي احناا فيه
مبروك مدونتك دي كمان ما شاء الله يا مدوناتك يا استاذ مدحت ربنا يزيد الخير يا رب
مارو
ياحبيبى ده شىء يشرفنى
انك تكون اول تعليق
عندى
الشرف ليا انا
بنت الاسلام
الله يبارك فيكى
طبعا
تخطيط
جيد
وليه هدف واضح
لا يابطة
هما طبقو اللى فى دماغهم
ولسة
تحياتى
بلبلة
ههههههههههههههه
على اسم مصر
انتى على اسم مصر برضه
ولا على اسم الهند
هههههههههه
جديد نوفى
وبضمانه كمان
ربنا يبارك فيكى يارب
القلب الابيض
انا فعلا كنت ناشرها فى المدونة القديمة
بس مش بالشكل ده
سعيد انها علقت معاك جدا
الف تحية ليك
خالتو فرنسا
الله يبارك فيكى
احنا كمدونين سوايسة ان شاء الله عايزين نعمل بلوج عن السويس
وطبعا لو حضرتك هتبقى معانا هتثريها جدا
تحياتى
صوت من مصر
ربنا يكرمك
كلك ذوق وسعيد جدا بااعجابك
الف تحية
بنوتة مصرية
هما نفذو فينا الحمد لله
واثار التنفيذ واضحة على كل المصريين
تحياتى
امير القلوب
الله يبارك فيك ياحبيب قلبى
ويارب اكون عند حسن ظنك دايما
اخوانجى
الله يبارك فيك ياحبيبى
الف تحية ليك
خالد
الله يبارك فيك
وشكرا لتشجيعك
الف تحية
اناحر
معاكم ان شاء الله
كلمتى
الله يبارك فيك
يارب
وسعيد جدا بالزيارة والتعليق
الف تحية
حمادة زيدان
الله يبارك فيك والف مبروك لاخوك
وعقبالك يارب
والمدونة بخير الحمد لله
ضد الظلم
للاسف اه
ربنا يكرمك على التعليق
والف تحية ليك
مايكل
تسلم على ذوقك وعلى تعليقك الجميل
وسعيد انى المدونة نالت اعجابك
تحياتى
رئيس جمهورية نفسى
بص يامحمود
طول ماهى خطط فى صالح الشعب
بتبقى عبارة عن مسكنات
مش بتتنفذ
لكن لو تخطيط بيضر الشعب بيبقى تخطيط فعال ومؤثر جدا
زى التخطيط الىل انا اشرت اليه ده
تحياتى
السلام عليكم
جميله و الله
كلها واقعيه
إ
تحياتى ابو مفراح
الفكر جديد والعزم شديد وعجبي
حسبي الله فيهم
كل كلامك صح نو داوت طبعا بس تفتكر ماذا بعد الإعتراف ياترى إية الحل ؟؟؟
فكرة جميلة قوي
والبوست هايل ما تعرفش عجبني قد أيه
مصر محتاجانا
هنعمل أيه
تحياتي
محمد علي
السادس من ابريل انتفاضة الشعب المصري
الناس دي كلها معانا
على مدونة عصياااان
http://3syan.blogspot.com/
ابو مفراح
ربنا يكرمك يارب
وائل
ههههههههه
تعليقك ظريف جدا
حسبى الله ونعم الوكيل
دعاء
والله الارادة هى الحل
ارادة تغيير الواقع
تحياتى ليكى
محمد على
ربنا يكرمك يارب
والله انا اتمنى
اننا اقل حاجة نرفضها
نقول بصوت عالى لا
ومنبقاش جبنا
للاسف احنا كتير اوى من شعبنا جبان
تحياتى
فتوح
زعلت اوى انى الاخوان مش هيشاركو
بس ان شاء الله الاعتصام هينجح
هوا دا يا عم الفكر الجديد والعبور للمستقبببببببببببببببببببل
شكرااا ليك .. والمدونة روووووووووووووووووووووووووووعة
معبر اوى الكلام ده
تسلم ايدك
اخوانى
ربنا يكرمك يارب
يارب اكون عند حسن ظنك دايما
تحياتى
عمو احمد
تسلم
وسعيد جدا برايك
يالهوىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى
ممكن اكمل
وولاد الكلب كل شوية
غبائهم بيزيد
والسرقة تزيد
والشعب لو اتكلم مرة
هيلبس علي طول كلابوش وحديد
والظابط هيعذب فيه
ولو قاله حرام
هيقوله ياغالي عنيا خدلك مزيد
لكن لازم نتكلم
ونثور علي الوضع الحالي
ونخلق بأيدينا فجر جديد
ونقول للظام في وشة لاء
مانخافش م جبروته
ولا م التهديد
نتجمع نبقي ايدين واحدة
مايكونش مابينا غل ووعيد
دة الحل يا صاحبي ومافيش غيره
دة الحل الوحيد
دي اول مره ازور مدونتك وقد تعرفت عليك من خلال مدونةمجد الدين
واحببت التعرف علي الفكر الجديد هنا فانا مدونة كنت في مكان اخر ولسه جديده هنا
اولا المدونة والصوره والموسيقي حلوه
ولكن المقال بجد رووووعه
مع الاسف هي دي مصر
ولكن اعتقد خلاص الناس هتتجنن بعد الزياده الجديده في الاسعار
وخلاص الثوره قادمه وسيحترق الجميع
تحياتي لكم
رئيسة حزب الاحلام
خضتينى
ههههههههههه
مصطفى
انت مش اول واحد يضيف عليها
فى ناس كتير سمعهوها وضافو عليها
اكتر القصايد اللى بكتبها بلاقى مدونين عايزين يكملو عليها
وبفرح اوى
لانى ببقى ساعتها عرفت انها قدرت تحرك مشاعرهم
وده هدفى
بجد تحياتى ليك على احساسك الحى
سندريلا
نورتى المدونة
وسعيد جدا بااول زيارة
ويارب اكون عند حسن ظنك دايما
تحياتى
حلوة حلوة حلوة حلوة كتييييييييير
بجد حلوة جدا وكل كلمة فيها حقيقي
بس هيفيد بايه الصويت وكل واحد لا حياة لمن تنادي لأنهم ببساطة صموا الاذان عن صراخنا
نحن من نسكر على حساب الوطن
هما دوول يبئى ازااااي هيهمهم
احترامي وتقديري لقلمك
نورة
بجد متعرفيش انا اد ايه سعيد بتعليقك هنا
بجد
هو بينى وبينك
اللله اعلم امتى الحق هيبان
وبصوت مين
ربنا العالم
تحياتى لحضرتك
Post a Comment